ຈາກຫຼວງພະບາງ, ຂຶ້ນລົດເມທີ່ມີຈຸດໝາຍປາຍທາງໄປຊຳເໜືອ ເຊິ່ງອອກເດີນທາງປະມານຕອນທ່ຽງຂອງທຸກໆວັນ ຈາກສະຖານີລົດເມສາຍເໜືອຢູ່ນະຄອນຫຼວງພະບາງ ແລະ ລົງລົດທີ່ເມືອງຮ້ຽມ ບ່ອນທີ່ຫ້ອງການທ່ອງທ່ຽວອຸທິຍານແຫ່ງຊາດຕັ້ງຢູ່.

ການເດີນທາງລົດເມໄປເມືອງຮ້ຽມໃຊ້ເວລາປະມານ 10-12 ຊົ່ວໂມງ, ຜ່ານສາມແຍກປາກມອງ ແລະ ໜອງຂຽວ. ທ່ານຈະມາຮອດເມືອງຮ້ຽມໃນເວລາ 10-11 ໂມງກາງຄືນ ຫຼືບາງຄັ້ງກໍ່ຊ້າກວ່ານັ້ນ ຂຶ້ນກັບສະພາບເສັ້ນທາງ ແລະ ລົດ.

ການຂົນສົ່ງລະຫວ່າງເມືອງຮ້ຽມ ແລະບ້ານເລີ່ມຕົ້ນການທ່ອງທ່ຽວ ແມ່ນຈັດການໂດຍອຸທິຍານແຫ່ງຊາດ ແລະລວມຢູ່ໃນລາຄາການທ່ອງທ່ຽວ. ສຳຫຼັບການເດີນທາງຈາກເມືອງຮ້ຽມໄປຫຼວງພະບາງ, ໃຊ້ລົດເມຖ້ຽວຕອນເຊົ້າ ຫຼື ຕອນແລງ.

ຢູ່ໜອງຂຽວ, ຂື້ນລົດເມໂດຍສານທີ່ມາຈາກຫຼວງພະບາງ ແລະ ມຸ່ງໜ້າໄປຊຳເໜືອ. ລົດເມຈະຜ່ານໜອງຂຽວ ເວລາປະມານ 5-6 ໂມງແລງ ຂອງທຸກໆມື້. ໜ່ວຍບໍລິການທ້ອງຖິ່ນຢູ່ໜອງຂຽວສາມາດຊ່ວຍທ່ານຈັດຊື້ປີ້ລົດ ແລະ ແຈ້ງຄົນຂັບລົດເມໃຫ້ຢຸດຮັບທ່ານເພື່ອໄປເມືອງຮ້ຽມ ບ່ອນທີ່ຫ້ອງການທ່ອງທ່ຽວອຸທິຍານແຫ່ງຊາດຕັ້ງຢູ່. ການເດີນທາງລົດເມໄປເມືອງຮ້ຽມແມ່ນໃຊ້ເວລາປະມານ 5-6 ຊົ່ວໂມງ, ທ່ານຈະໄປເຖິງເມືອງຮ້ຽມໃນເວລາ 10-11 ໂມງກາງຄືນ ຫຼືບາງຄັ້ງກໍ່ອາດຈະຊ້າກວ່າ ຂຶ້ນກັບສະພາບເສັ້ນທາງ ແລະ ລົດ.

ການຂົນສົ່ງລະຫວ່າງເມືອງຮ້ຽມ ແລະບ້ານເລີ່ມຕົ້ນການທ່ອງທ່ຽວ ແມ່ນຈັດການໂດຍທີມງານທ່ອງທ່ຽວອຸທິຍານແຫ່ງຊາດ ແລະລວມຢູ່ໃນລາຄາການທ່ອງທ່ຽວ.

ການເດີນທາງຈາກເມືອງຮ້ຽມໄປໜອງຂຽວ, ໃຊ້ລົດເມຖ້ຽວຕອນເຊົ້າ ຫຼື ຕອນແລງ ທີ່ມຸ່ງໜ້າໄປຫຼວງພະບາງ.

ລົດເມໂດຍສານ ອອກຈາກສະຖານີລົດເມ ຊຳເໜືອ ຫາ ເມືອງຮ້ຽມ ທຸກໆມື້ ໃນເວລາປະມານ 8 ໂມງເຊົ້າ ແລະ 4 ໂມງແລງ. ການເດີນທາງໄປຫາຈຸດເລີ່ມຕົ້ນຂອງທົວເບິ່ງສັດປ່າທີ່ບ້ານສົ້ນຂົວ ຈະໃຊ້ເວລາປະມານ 3.5 ຫາ 4 ຊົ່ວໂມງ ແລະເພີ່ມເຕີມ 1.5 ຊົ່ວໂມງ ຈາກຈຸດນັ້ນໄປຫາເມືອງຮ້ຽມ.

ໝາຍເຫດສໍາລັບນັກທ່ອງທ່ຽວເບິ່ງສັດປ່ານ້ຳເນີນ. ກະລຸນາຮັບຊາບວ່າ ກິດຈະກຳການທ່ອງທ່ຽວເບິ່ງສັດປ່າ ຈະເລີ່ມເວລາ 10:30 ໂມງເຊົ້າ. ຖ້າທ່ານເດີນທາງໂດຍລົດເມໂດຍສານ, ກະລຸນາມາໃຫ້ຮອດກ່ອນໜື່ງວັນ ແລະຄ້າງຄືນຢູ່ໃນບ້ານກ່ອນ. ການເລີ່ມຕົ້ນກິດຈະກຳທ່ອງທ່ຽວຊ້າ ແມ່ນເປັນໄປໄດ້ສໍາລັບການທ່ອງທ່ຽວທີ່ຈອງແບບສ່ວນຕົວເທົ່ານັ້ນ.

່ການເດີນທາງຫຼັງຈາກກິດຈະກຳທ່ອງທ່ຽວເບິ່ງສັດປ່ານ້ຳເນີນ ໄປຊຳເໜືອ. ທ່ານສາມາດລັດລົດເມທີ່ເດີນທາງມາຈາກໂພນສະຫວັນ ມຸ່ງໜ້າໄປຊຳເໜືອ ຢູ່ທີ່ສາມແຍກບ້ານກໍຮິ້ງ ເຊິ່ງລົດເມຈະມາຮອດຈຸດນັ້ນໃນເວລາປະມານ 11:30 ໂມງເຊົ້າ ຂອງທຸກໆວັນ. ການຕໍ່ລົດໄປຫາສາມແຍກບ້ານກໍຮິ້ງ ແມ່ນສາມາດຈັດການໄດ້. ກະລຸນາຕິດຕໍ່ພວກເຮົາສໍາລັບລາຍລະອຽດເພີ່ມເຕີມ.

ການເດີນທາງຈາກເມືອງຮ້ຽມໄປຊຳເໜືອ. ທ່ານສາມາດຂື້ນລົດເມໂດຍສານ ສາຍຫຼວງພະບາງ-ຊຳເໜືອ ໃນເວລາປະມານທ່ຽງຄືນ ຫຼື ໃຊ້ບໍລິການລົດຂົນສົ່ງສ່ວນຕົວໄປຍັງສາມແຍກບ້ານກໍຮິ້ງ ເພື່ອຂຶ້ນລົດເມ ສາຍໂພນສະຫວັນ-ຊຳເໜືອ. ກະລຸນາຕິດຕໍ່ພວກເຮົາສໍາລັບລາຍລະອຽດເພີ່ມເຕີມ.

ບໍ່ມີການຂົນສົ່ງໂດຍສານລະຫວ່າງ ໂພນສະຫວັນ ຫາ ເມືອງຮ້ຽມ ໂດຍກົງ ຫຼື ມາຫາຈຸດເລີ່ມຕົ້ນຂອງທົວເບິ່ງສັດປ່າ ທີ່ບ້ານ ສົ້ນຂົວ.

ເພື່ອໄປຮອດຈຸດເລີ່ມຕົ້ນຂອງທົວເບິ່ງສັດປ່າ ທີ່ບ້ານ ສົ້ນຂົວ, ທ່ານຄວນຂຶ້ນລົດເມຖ້ຽວ 8 ໂມງເຊົ້າ ທີ່ມຸ່ງໜ້າໄປ “ຊຳເໜືອ” ແລະ ລົງທີ່ສາມແຍກບ້ານກໍຮິ້ງ. ການເດີນທາງຂອງລົດເມໃຊ້ເວລາປະມານ 3-4 ຊົ່ວໂມງ. ສາມາດຈັດຫາລົດສົ່ງຈາກສາມແຍກກໍຮິ້ງ ໄປຫາບ້ານສົ້ນຂົວ ຈຸດເລີ່ມຕົ້ນຂອງທົວເບິ່ງສັດປ່າ. ກະລຸນາຕິດຕໍ່ພວກເຮົາສໍາລັບລາຍລະອຽດເພີ່ມເຕີມ.

ກະລຸນາຮັບຊາບວ່າກິດຈະກຳທ່ອງທ່ຽວເບິ່ງສັດປ່ານ້ຳເນີນ ເລີ່ມເວລາ 10:30 ໂມງເຊົ້າ. ຖ້າທ່ານເດີນທາງໂດຍລົດເມໂດຍສານ, ກະລຸນາມາໃຫ້ຮອດກ່ອນໜຶ່ງວັນ ແລະຄ້າງຄືນຢູ່ໃນບ້ານ. ການເລີ່ມຕົ້ນກິດຈະກຳທ່ອງທ່ຽວຊ້າ ແມ່ນເປັນໄປໄດ້ສໍາລັບການທ່ອງທ່ຽວທີ່ຈອງແບບສ່ວນຕົວເທົ່ານັ້ນ.

ການເດີນທາງຈາກທົວເບິ່ງສັດປ່ານ້ຳເນີນ ໄປໂພນສະຫວັນ, ທ່ານສາມາດລັດລົດເມໂດຍສານຖ້ຽວຕອນເຊົ້າ ສາຍຊຳເໜືອ-ຊຽງຂວາງ (ໂພນສະຫວັນ) ທີ່ຈະມາຮອດສາມແຍກບ້ານກໍຮິ້ງ ເວລາປະມານ 10 ໂມງເຊົ້າ ຂອງທຸກໆມື້. ການຕໍ່ລົດ ໄປຫາສາມແຍກບ້ານກໍຮິ້ງ ສາມາດຈັດຫາໄດ້. ກະລຸນາຕິດຕໍ່ພວກເຮົາສໍາລັບລາຍລະອຽດເພີ່ມເຕີມ.

ຈາກໂພນສະຫວັນ ເພື່ອໄປເຖິງເມືອງຮ້ຽມ, ພວກເຮົາແນະນຳໃຫ້ທ່ານເດີນທາງໄປເມືອງຊຳເໜືອກ່ອນ ແລະ ໄປຢ້ຽມຢາມຖ້ຳວຽງໄຊ ແລ້ວຂຶ້ນລົດເມໄປເມືອງຮ້ຽມໃນມື້ຕໍ່ມາ.

ການເດີນທາງຈາກເມືອງຮ້ຽມຫາໂພນສະຫວັນ ສາມາດຈັດຫາລົດບໍລິການຂົນສົ່ງສ່ວນຕົວໄປຫາສາມແຍກບ້ານກໍຮິ້ງ ເພື່ອໄປລັດລົດເມ ສາຍຊຳເໜືອ-ໂພນສະຫວັນ. ກະລຸນາຕິດຕໍ່ພວກເຮົາສໍາລັບລາຍລະອຽດເພີ່ມເຕີມ.